Wp/bat-ltg/Dynaburgs

From Wikimedia Incubator

Dynaburgs – Daugpiļs mīsta viesturiskuo oficialuo pasauka nu XII da XIX g., cālusēs nu vuocīšu volūdys.

Ar vuordu Dünaburg vuocīšu volūdā viesturis olūtūs suokta apzeimuot myurine piļs, kuru Livonejis ordyna magistrys Ernsts fon Ratsenbergs (Ernst von Ratsenberg) 1275 g. pastateja latgalīšu piļs Naujinis vītā i kuru īskaita par Daugpiļs mīsta suokom.

Dynaburga vuords vuocīšu volūdā, taipoš cytuos volūduos (puoļu Dyneburg, krīvu Динабург) Daugpilei apzeimuot oficialai lītuots da poš 1893 g., kod cara vaļdeiba mīsta puorsauce par Dvinsku (Двинскъ), a runuvolūdā – vēļ i XX gs. suokuos.

Viņ laikavydā nu 1656 da 1667 g. Dynaburgs bejs oficialai puorsaukts par Borisoglebsku (Борисоглебскъ).

Vītejuos baltu volūduos (latgalīšu, lītaunīku) tradiceigai lītuota senejuo mīsta pasauka Daugpiļs, Daugpilis. Juos ciļme taipoš varātu byut skaidrejama ar vuocīšu vuorda Dünaburg ītaku.