[edit] مقدمة:
راكـُم هنا ف مدخل الـمسيّه تع ويكيبيديا الـجازايري. تلقاوْ يهْ شوية مقالات مكتوبة بالدارجة الجزايرية، ف مواضيع مختالفه مَن كامَل العلوم، الشي الـاوّل اللي حطيناه بين عينينا هوّا تطوير الـلّغه الـجازايريّه بكامَل لهجاتها.
ويكيبيديا هيا مشروع تع موسوعه ب كامل لغات الـعالم و الـمحتوى فيها حُر، بحيت كل واحد يقدر يزيد فيه حاجه، بل كتيبه و الـترتيب تع المقلات كيما يـعرف.
مادابيكم تعاونونا حتا ب حاجات صغيره، باش نـطوّرو هاذي النسخه ب لوغتنا، و إذا نجَح هاذ الإختبار و نـقبَل المشروع من طرف مَجمَع ويكيميديا، اعّلمو بللي قاع الـشي الي كتَبتوه غادي يـتَّنقل فل ويكيبيديا الجديده، بل أسم نتاعكم.
مادابينا، قبَل ما نـزيدو مقالات جدد، نـوسعو الـمَعلومات لي نـحطـّت ف لي راهُم بعدا مَكتوبين، لهاذ الـشي نـطلبو مَنكـُم باش تـقراو وش راه كايَن و تـزيدو فيه بالطرجمه منالوغات لُخرين كيما الـفرانساويّه، الـلنكليزيّه ولا لي تـعَرفوه... إذا حب ربّي، هاذ المشروع يـنجَح، بل خَدمه الـمتواصله تع كـُل واحد فينا من جيهتهُ و الـمعاونه بيناتنا.
ملاحظات : أولا لازم تعرفوا بلي الحروف اللي لازم تكتبوا بيها هنا هي الحروف العربية وعنوان المقال لازم يتكتب بالحروف العربية وداخل المقالة لازم توضحوا كيفاش يتكتب العنوان بالحروف اللاتينية
ثاني حاجة الكلمات اللي لازم تنكتب بغير العربية مثل : " كامل " في بعض العبارات لازم تنكتب " قاع " هنا لازم عليكم تحوسوْا على حرف القاف اللي فيه ثلاث نقاطي " ڤاع " وهكذا بالنسبة لباقي الكلمات وحاة ثانية منوع الكلمات بالفرنسية مثلا : " بروجي " لازم تكتب : " مشروع " أو تحوس على كلمة بالدارجة تناسب المعنى.
