User:Claus Ableiter

From Wikimedia Incubator

Hallo Kollesche,

des isch die Benutzersait vun

Claus Ableiter, Kettelerstroß 48 un Binsfeld 94 in Schpeier. Moi Hauptaktividät isch die deitsch Wikipedia un Commons.

Weil awwer moi Muddersproch pälzisch isch und isch die heit noch in de Familie un im Krais vun moine Schpeirer Froinde schpresch, will isch ab und zu e bissel zur pälzische Wikipedia beitrache.

Leider ferscht isch, dass Pälzisch ke große Zukunft hot. Die Schproch werd awer lewe so long mir lewe.

Un isch fänd es schä, wenns wenigschtens e Denkmal fers Pälzisch in alle soine foine Variande gäb.

Un e schäni Batterie vun Texte wär so e Denkmal fär spätere Generazione.

Nadirlisch täts misch noch mer fräe, wenns Pälzische weiderlewe dät. Un die pälzisch Wikipedia soll dodezu en Beitrach soi.

Die wus stert oder die wu sich geniere, denne sach isch, ihr mists eisch jo net agucke. Geht oder blaibt wu de Peffer wächst. Und lasst uns in Ruh.

Jedi Sproch is e Weld und unser pälzisch is es schene Weld und kehrt zu moine geliebte Palz efach dezu.

En freindliche Gruß an alle

Claus Ableiter

Ardikel[edit | edit source]

Links[edit | edit source]

Interwikilinks[edit | edit source]