Template:Wp/xmf/დუდ ხასილა/გიშნაგორა სტატია

From Wikimedia Incubator

Jump to: navigation, search
Black Sea Shore.jpg

უჩა ზოღა (ქორთ.: შავი ზღვა; ბულგ.: Черно море; ბერძ.: Μαύρη Θάλασσα; რუმინ.: Marea Neagră; რუს.: Чёрное мо́ре; თურქ.: Karadeniz; უკრ.: Чо́рне мо́ре). ჯვეში ქორთული ჯოხო რე სპერის ზღვა. ანტიკური ხანას ემუს ჯვეში ბერძენეფი დო ლათინეფი

იშინანდეს მუჭოთ პონტოშ ზოღა ვანა ეუქსინიშ ზოღა (ბერძ. "Εὔξεινος Πόντος", ლათ. "Pontus Euxinus"). რე ოჩხანე–ბჟაეიოლუ ევროპაშ დო ციკა აზიაშ შქას გეხვილირი ზოღა, ნამუთ სქირონაშქა ზოღას მიარცხუაფუ ბოსფორიშ საროტით დო მარმარილოშ ზოღათ, ოდო აზოვიშ ზოღას ქერჩიშ საროტით.

Blacksea-bg-beach-dinev.jpg

ბოსფორიშ საროტიშენო მიშულირი ზოღაშ წყარიშ მუდანობა წარმოწანას მიანჭუაფუ 200 კმ³–ს. ზოღაშ მუკე–მუკე აკანეფშენ მიშაკათილი ლიგე წყარიშ მუდანობა წარმოწანას რე 320 კმ³, ნამუში უდიდაში ნოწილეთ მიშაკათუ შქაგურონა დო შქაგურონა–ბჟაეიოლუ ევროპაშე. ირიშენ გინძე დო წყარხვე ღალი, ნამუთ უჩა ზოღას მიაკათუნი, რე დუნაი. შხვა დიდი ღალეფი რე: დნესტრი, დნეპრი, ოჩხანეშ ბუგი, იეშილ ირმაკი, ყიზილ ირმაკი, ჭოროხი, რიონი, ინგირი დო შხვა. ირიშენ უდიდაში გვერდკოკი რე ყირიმიშ გვერდკოკი. კოკეფი ბრელი ვა უღუ, უდიდაშეფი რე ბერეზანი დო გვერიშ კოკი.


ქოძირ თელ სტატია
Retrieved from "http://incubator.wikimedia.org/wiki/Template:Wp/xmf/%E1%83%93%E1%83%A3%E1%83%93_%E1%83%AE%E1%83%90%E1%83%A1%E1%83%98%E1%83%9A%E1%83%90/%E1%83%92%E1%83%98%E1%83%A8%E1%83%9C%E1%83%90%E1%83%92%E1%83%9D%E1%83%A0%E1%83%90_%E1%83%A1%E1%83%A2%E1%83%90%E1%83%A2%E1%83%98%E1%83%90"