Lost:Thamziarth n Tamsaman
From Wikimedia Incubator
Di gw sagwas arumi n 429, iwindaren (Vandali), afsend x thgwlith imurien (Regnum Maurium), mani tugha imazighen imurien azghand ixfansen zi thussasmaxt n'irumien (Romani), u manaya zi gw sagwas n 304.
Rami id mmarsen di thandint n Thinja (Tanger), "Ginserik" ajedjid iwindaren yumar iwdan nnes huma ad hajman marra x thnaddam thimurien idasen yakkin g wabrid nsen, rami kamran zi thbarnin (Tebirnayni), szughand ramhadjath nsen ar Wowlili (Volubilis), qbar ma athajan imazdagh nnes, iwindaren adjan mara ighabrawn d raqsuar d ttudrin imazighen i dinni tugha izadghan.
Maca raqsahet n tmuartha d usqasseh iggin iwdana aked midden, arrin iwindaren ad hajan thimuraya huma ad ziyyan array nsen gha Qartadact (Carthago), mani di gw sagwas n 435, barhan x thmagga n thgwlith thawindarect di Qartadect. Di gw sagwas n 439, ajedjid Ginserik yumar ramhadjath nnes x thgwlith imurien, rami i xsaren imurien akd iwindaren di 440 zi gw sagwas arumi, marra thimura nsen dawran sadu wafar n thiglawda iwindaren, inni ifarqan thagwith nsen i simus n tmaghwarin sadu array n yimghan imazgwura.
Di 441, Ginserik istaqbar di lplat nnes di Qartadect, wanni ittugha g iju mazgwaru d'ajedjid x'imurien "Druba Tamess", huma ath yar d'amghar (Dux), kh thmaghwarth nnes di gw'amghadjay n thgawlith, thanni umi yragha "TADUKYTH n TAMSAMAN" (Ducatus Tamsamaniae), álahsab ighas agwlid n Ait Tmesmant thrwa n "lalla Thamesmant" idin tugha igaldhen zi gw sagwas n 304.
Ádun wussan d'isagwusa, thudaf thgwlith iwindaren di gwamqottos aked ibizantiyen (Bizantins), huma ad zaren wir izammaran ad yag afar nnes x wanniden di g Waghar Acemrar (Mediterranea), amqottosa yiwid attas n txassura iywindaren, s maynzi rabád n tqabbar imazighen idfand di gw'amsiysi aked iwindaren hama adarran thuzight nsen, w zzaysent thadokyth n tamsaman ix tugha igled wamghar "Mayyon Tamess" di gw sagwas n 530, warni usduqqaz n thagrawla idasend yiwyen thizaght ithmuarth nsen d waydud idayes izadghen.
Thammuarth n tamsaman tugha thbaddad zi g "yighzar n Marwact" (Moloche Rivier), itanhadda x waddar n Waghar n watlantik (Atlantic Ocean), dawrant marra thiqabbar nni itugha izadghan di thmuartha, traghan i yexf nsent s waydud n yitmasmanen.
Di 535 zi gw sagwas arumi, ibizantiyen udfend thandint n Qartadact huma adas qdan thimassi manbaád ma adasen arbhan amsaysi i ywindaren, aked watto n Qartadact ibarrah imazruy x ukammer n thgwlith n iwindaren di thmuarth n'afrika.
BIBLIOGHRAFIA:
