Lost:MAHARDIKA KAMI - Neldy Jolo

From Wikimedia Incubator

Jump to: navigation, search

Bassahun natu’ iban hatihun in kiyasulat namu’ kalangan amun tiyawag namu’ Sulu Langan sin Kamahardikaan (Sulu Independence Hymn) in gulalkabtangan (title) niya : Mahardika Kami.


MAHARDIKA KAMI Neldy Jolo

Kami Bangsa Tausug Mahardika namaugbug Limaya daing ha satru Timindug di' magpapissuku

Bangsa namu' namarinta Sin hula’ namu’ Mahardika Kiyarapatan wa' daing tagna Mapasambu namu' na in hula’

Hula’ Bangsa namu' nabantug Tampat sin tau maisug Agama tunggal da in kaput Misan matay di' da magirup

Tumantangis Dahu puntuk sin hula’ namu' Pa Bagsak Sinumaan Paka budburan Tunggal Tuhan da in angan

Zamboanga Basilan Uttara Borneo Palawan Lupa’ Sug in gi’tungan Sin pamarinta Sultan Daing ha kaawal sin jaman

Bangsa namu' ini tayakkup Ha ngan sin agama jukup Tuhan tunggal mahugut Gawgut di' magpasakup

Dugu sahid imanud ha ugat sin Bangsa Sug Nagsabil namaugbug Panji tiyukag banug Janji kakkal limantup

Hula’ jambangan sin mussa’ Laud Sug dunya tugila Likusan satan uttara Subangan pa sadlupan


Siyulat ha Bongao, Tawi-Tawi, Sultanniyah sin Sulu. December 4, 2008, 7:48AM Langan sin kamahardikaan sin Sultanniyah sin Sulu (Independence hymn of the Sultanate of Sulu)

Retrieved from "http://incubator.wikimedia.org/wiki/Lost:MAHARDIKA_KAMI_-_Neldy_Jolo"